بسم الله الرحمن الرحیم
السلام علیکم ورحمة الله وبرکاته
جبت الکم هذه القصیدة من قصائد الشاعر عریان السید خلف
فها هی:(غربه)
یا غریب اذکر هلک والگالهه ابحچیه ایتنکت
هیج اجروح الگلب والعین کت مهظوم کتت
ذکروها وعادت الیذکر یحن والروح لاهل الروح حنت
ونت اوماظن مثل ونها الصخر خنساه ونت
صبرتها وکابرت عالظیم والکابریظل بسکوت ینهت
طاحت وفوگ الفشل بمصابها الشامت تشمت
آخ یا روحی الگبل چانت عزیزه اشلون ذلت؟
ملت امن اونینها وعذالها امن اللوم ملت
واصبحت مثل الرشه المتروک من یشله جلیبه
اوحنت او عاده اویه المحبین لو حن المحب یطلب حبیبه
یالتریدین الولف ولف الجفاچ امنین اجیبه ؟!
کافی غیبه کافی چلمات العتب عالناس یا روحی الغریبه
یالمثل دله استوت بوجاغ ما یخمد لهیبه
یالتظنین ابعظم بلواچ ما صارت مصیبه
هذاسهمچ والسهم لوعات والخانه الوکت یرضه ابنصیبه
اوهذا طبع الناس بیهم بدوفه او بیهم وفی اتجیبه الحلیبه
وانتی لاچف الینشف العین لادارالولف یمچ جریبه
یالحسرتچ حسرة المچبود وادموعچ تبدت
یالعلی اجروحچ اعز الناس من شافچ تشمت
یالتظنین الشمل یلتم شمل عزچ تشتت
بغداد/مارت/1965